జీవితంపై విరక్తి చెంది వ్యక్తి ఆత్మహత్య
మండలంలోని మొర్రిగూడ గ్రామంలోని గెస్ట్హౌజ్ సమీపంలో బీహార్ కు చెందిన సింటు కుమార్ (22) అనే వ్యక్తి టవల్తో ఉరి వేసుకుని ఆత్మహత్య చేసుకున్నాడు.
దిశ,జన్నారం : మండలంలోని మొర్రిగూడ గ్రామంలోని గెస్ట్హౌజ్ సమీపంలో బీహార్ కు చెందిన సింటు కుమార్ (22) అనే వ్యక్తి టవల్తో ఉరి వేసుకుని ఆత్మహత్య చేసుకున్నాడు. ఎస్సై రాజవర్దన్ తెలిపిన వివరాల ప్రకారం మొర్రిగూడ గ్రామంలోని రాఘవేంద్ర ఇండస్ట్రీస్ లో కూలిపని చేసే సింటు కుమార్ మద్యానికి బానిసయ్యాడు.
దాంతో పని చేతకాకపోవడంతో సోదరుడు కమల్ పాస్వన్ కు ఫోన్ చేసి తనకు పని చేయడం చేతకావడం లేదని, జీవితంపై విరక్తి కలిగిందని చెప్పాడు. అనంతరం ఇండస్ట్రీస్ పక్కన గల గెస్ట్ హౌస్ సమీపంలో ఉన్న గేటుకు తన టవల్ తో ఉరి వేసుకుని ఆత్మహత్య చేసుకున్నట్లు ఎస్సై పేర్కొన్నారు. మృతుని అన్న కమల్ పాస్వన్ ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఆయన తెలిపారు.