యువకుడి దారుణ హత్య.. సీసీ టీవీ ఫుటేజీలో..

దిశ, వెబ్‌డెస్క్: యువకుడిని గొంతుకోసి చంపిన ఘటన కలకలం రేపింది. ఈ ఘటన నెల్లూరు తల్పగిరి కాలనీలో చోటు చేసుకుంది. అనుదీప్ అనే వ్యక్తి గొంతు కోసి దుండగులు చంపారు. ఈ ఘటనకు సంబంధించిన దృశ్యాలు సీసీ టీవీ కెమెరాలో నమోదయ్యాయి.

అనుదీప్ తెగిన గొంతుతో పడుతూలేస్తూ అడుగులేసిన దృశ్యాలు భయానకంగా ఉన్నాయి. తెల్లవారు 3 గంటల సమయంలో ఈ ఘటన జరిగినట్లు పోలీసులు గుర్తించారు. ఘటనపై కేసు నమోదు చేసుకున్న పోలీసులు దర్యాప్తు చేస్తున్నారు. ఈ ఘటనకు సంబంధించి పూర్తి వివరాలు తెలియాల్సి ఉంది.