జగిత్యాల బైపాస్ రోడ్డులో యాక్సిడెంట్.. యువకుడి పరిస్థితి విషమం..

దిశ, జగిత్యాల కలెక్టరేట్ : శనివారం రాత్రి జగిత్యాల బైపాస్ రోడ్డు గోవిందుపల్లి చౌరస్తా వద్ద రోడ్డు ప్రమాదం జరిగింది. రెండు బైకులు ఢీ కొనడంతో మనీష్ అనే యువకుడు తీవ్రంగా గాయపడ్డాడు. స్థానికులు 108 కు సమాచారం అందించగా చికిత్స నిమిత్తం బాధితున్ని ఆస్పత్రికి తరలించినట్లుగా తెలుస్తుంది. అయితే ప్రమాదంలో గాయపడిన యువకుడి పరిస్థితి విషమించగా మెరుగైన వైద్యం కోసం కరీంనగర్ తరలించినట్టు సమాచారం.