ప్రమాదవశాత్తు చెరువులో పడి వ్యక్తి మృతి

దిశ, పిట్లం : ప్రమాదవశాత్తు చెరువులో పడి వ్యక్తి మృతి చెందిన ఘటన పిట్లం మండల కేంద్రంలో చోటు చేసుకుంది. స్థానికులు పోలీసులు తెలిపిన వివరాల ప్రకారం పిట్లం మండల కేంద్రానికి చెందిన ఆర్టీసీ డ్రైవర్ పత్తి కాంతయ్య 59 ఉదయం కాల కృత్యాల నిమిత్తం మారేడు చెరువుకు వెళ్లాడన్నారు. అటుగా వెళ్తున్న కొందరు స్థానికులు సదురు డ్రైవర్ బైకును, చెప్పులను గట్టుపై గమనించి అనుమానం వచ్చి కుటుంబ సభ్యులకు సమాచారం అందించారన్నారు.

దీంతో అప్రమత్తమైన కాలనీవాసులు పోలీసులకు సమాచారం ఇచ్చి చెరువు వద్ద వెళ్లి వెతకగా సదురు డ్రైవర్ మృతదేహం లభించింది అని తెలిపారు. మారేడు చెరువులో కాలుజారి పడి చనిపోయాడని తెలిపారు. సంఘటనా స్థలానికి పోలీసులు వచ్చి పంచనామ నిర్వహించారు. ఎస్సై రాజు మాట్లాడుతూ ఆర్టీసీ డ్రైవర్ కాంతయ్య కాలకృత్యాలకు వెళ్లి ప్రమాదవశాత్తు కాలుజారి చెరువులో పడి చనిపోయాడని తెలిపారు. భార్య లక్ష్మి ఇచ్చిన ఫిర్యాదు మేరకు కేసు నమోదు చేసుకుని దర్యాప్తు చేస్తున్నట్లు ఎస్సై రాజు తెలిపారు అనంతరం మృతదేహాన్ని పోస్టుమార్టం నిమిత్తం ఏరియా ఆసుపత్రి బాన్సువాడ కు తరలించారు.