ఇన్నోవా కారు బైకును ఢీ కొట్టడంతో వ్యక్తి మృతి

దిశ,మునిపల్లి : ఇన్నోవా కారు బైకును బలంగా ఢీ కొట్టడంతో వ్యక్తి అక్కడికక్కడే మృతి చెందినట్లు ఎస్ ఐ, రాజేష్ నాయక్ తెలిపారు. రాజేష్ నాయక్ తెలిపిన వివరాల ప్రకారం, శనివారం నాడు మండల పరిధిలోని కంకోల్ గ్రామ శివారులో వోక్సేన్ యూనివర్సిటీ సమీపంలో ఎన్ హెచ్ 65 రహదారిలో ఈ ప్రమాదం చోటుచేసుకుంది. పట్లోళ్ల శ్రీనివాస్ రెడ్డి, నగరే ప్రశాంత్ లు ఇద్దరు కలిసి గ్లామర్ బైక్ పై జహీరాబాద్ వైపు నుండి హైదరాబాద్ వైపు వెళ్తున్న క్రమంలో ఇన్నోవా కారు అతివేగంగా నడుపుతూ వెనక నుండి బలంగా ఢీకొట్టడంతో జహీరాబాద్ ఆదర్శనగర్ కాలనీకి చెందిన పట్లోళ్ల శ్రీనివాస్ రెడ్డి ( 40) అక్కడికక్కడే మృతి చెందగా, నగిరి ప్రశాంతకు గాయాలు కావడంతో చికిత్స నిమిత్తం హాస్పిటల్ కి తరలించామన్నారు. పట్లోళ్ల శ్రీనివాస్ రెడ్డి కుటుంబ సభ్యులు పట్టోళ్ల విజేందర్ రెడ్డి ఫిర్యాదు మేరకు కేసు నమోదు చేసి దర్యాప్తు చేస్తున్నట్లు ఎస్ఐ, రాజేష్ నాయక్ తెలిపారు.