అత్త, మామపై అల్లుడు దాడి

దిశ,తల్లాడ : అత్త, మామపై స్క్రూ డ్రైవర్ తో అల్లుడు దాడి చేసిన సంఘటన శనివారం తల్లాడ మండలంలో చోటు చేసుకుంది. బాధితులు తెలిపిన వివరాల ప్రకారం తల్లాడ మండలం అన్నారుగూడెం గ్రామానికి చెందిన పెద్దిని రాము కుమార్తె దీప్తిని అదే గ్రామానికి చెందిన గోన కిరణ్ కొంతకాలం క్రితం ప్రేమించి వివాహం చేసుకున్నాడు.

    కొంతకాలం బాగానే ఉన్నప్పటికీ కొన్ని రోజుల నుంచి కిరణ్ మద్యానికి బానిసై సైకో మాదిరిగా ప్రవర్తిస్తూ భార్యతో పాటు భార్య కుటుంబ సభ్యులతో ఘర్షణ పడుతున్నాడు. ఈ క్రమంలో మామ పెద్దిని రాముపై నిందితుడు శనివారం స్క్రూ డ్రైవర్ తో దాడికి దిగాడు. అడ్డు వెళ్లిన అత్తను, ఇద్దరు బామ్మర్దులను గాయపరిచాడు. దాంతో బాధితులు తల్లాడ పోలీస్ స్టేషన్లో ఫిర్యాదు చేయగా ఎస్ఐ కొండలరావు కేసు నమోదు చేసి దర్యాప్తు చేస్తున్నారు.