12 ఎర్రచందనం దుంగలు స్వాధీనం.. స్మగ్లర్ అరెస్ట్

దిశ,కడప: వైఎస్ఆర్ జిల్లా సిద్ధవటం ఫారెస్ట్ రేంజ్‌లో ఫారెస్ట్ అధికారులు ఒక స్మగ్లర్ ను అరెస్ట్ చేసి 12 ఎర్రచందనం దుంగలు స్వాధీనం చేసుకున్నారు. బద్రికోన బీట్ లోని అటవీ ప్రాంతంలో ఫారెస్ట్ సిబ్బంది కూంబింగ్ లో ఈ దుంగలు స్వాధీనం చేసుకోవడంతో పాటు ఒక స్మగ్లర్ ను అదుపులోకి తీసుకున్నారు. పట్టుబడ్డ స్మగ్లర్ వెంకటేష్ నెల్లూరు జిల్లా కలువాయి మండలం తిరుమల పాడు గ్రామానికి చెందిన వ్యక్తిగా గుర్తించారు. మరో 8 మంది కూలీలు పరార్ అయినట్లు ఫారెస్ట్ అధికారులు తెలిపారు.