మాజీ ఎమ్మెల్యే వేములకు కరోనా వారియర్స్ ఇంటర్నేషనల్ అవార్డు

దిశ, తెలంగాణ బ్యూరో: నకిరేకల్ మాజీ ఎమ్మెల్యే వేముల వీరేశంకు విశ్వగురు వరల్డ్ రికార్డ్స్ సంస్థ అవార్డు ప్రకటించింది. కరోనా సమయంలో అత్యుత్తమ సేవలకు గాను ఈ అంతర్జాతీయ అవార్డును ప్రకటించామని తెలిపిన నిర్వాహకులు.. వీరేశంకు బుధవారం లేఖ పంపారు. విశ్వగురు వరల్డ్ రికార్డు సంస్థ ఉత్తమ సేవలు అందజేసిన వారికి ప్రతి సంవత్సరం కరోనా వరల్డ్ ఇంటర్నేషనల్ అవార్డు అందజేస్తుందన్నారు. అందులో భాగంగా కరోనా సమయంలో పేదలకు సేవలందజేసినందుకు గాను అవార్డుకు ఎంపిక చేసింది. త్వరలో అవార్డు అందజేయనున్నట్లు సంస్థ వ్యవస్థాపకుడు , సీఈఓ సత్యవోలు రాంబాబు వెల్లడించారు.