‘రేవంత్ రెడ్డి నాయకత్వం.. త్వరలో అధికారంలోకి కాంగ్రెస్’

దిశ, చేవెళ్ల: తెలంగాణ పీసీసీ అధ్యక్షుడు, మల్కాజిగిరి ఎంపీ రేవంత్ రెడ్డి నాయకత్వంలో రాబోయే రోజుల్లో కాంగ్రెస్ పార్టీ అధికారంలోకి రావడం ఖాయం అని కాంగ్రెస్ పార్టీ అధికార ప్రతినిధి భీం భరత్, పీసీసీ రాష్ట్ర కార్యదర్శి ఎలుగుబంటి మధుసూదన్ రెడ్డి, డీసీసీ ప్రధాన కార్యదర్శి భార్గవరాంలు ధీమా వ్యక్తం చేశారు. మంగళవారం బంజారాహిల్స్‌లోని రేవంత్ రెడ్డి నివాసంలో ఆయనను మర్యాద పూర్వకంగా కలిసి పుష్పగుచ్చం అందజేశారు. అనంతరం విలేకరులతో మాట్లాడుతూ.. పీసీసీ అధ్యక్షుడు రేవంత్ రెడ్డి నాయకత్వంలో తెలంగాణలో కాంగ్రెస్ పార్టీకి పూర్వ వైభవం సాధించడం ఖాయమని అన్నారు. తెలంగాణ ఇచ్చిన కాంగ్రెస్ పార్టీని తెలంగాణ ప్రజలు రాబోయే ఎన్నికలు భారీ మెజార్టీతో గెలిపించి కాంగ్రెస్ పార్టీని అధికారంలోకి తీసుకురావడం ఖాయమని ధీమా వ్యక్తం చేశారు.