వివాదంలో కపిల్ దేవ్ బయోపిక్ ‘83’..  

దిశ, సినిమా: బీ టౌన్ స్టార్ డైరెక్టర్ కబీర్ ఖాన్ దర్శకత్వంలో రణ్‏వీర్ సింగ్ ప్రధాన పాత్రలో తెరకెక్కుతున్న చిత్రం ‘83’. కాగా టీమిండియా లెజెండరీ క్రికెటర్ 1983 వరల్డ్ కప్ విజేత కపిల్ దేవ్ జీవితం ఆధారంగా తెరకెక్కుతున్న ఈ మూవీ తాజాగా ఓ వివాదంలో చిక్కుకుంది. ఈ మేరకు మూవీ ప్రొడ్యూసర్స్ చీటింగ్ చేశారనే కారణంగా యునైటెడ్ అరబ్ ఎమిరేట్స్ ఫైనాన్షియల్ కంపెనీ అంధేరి మెట్రోపాలిటన్ మేజిస్ట్రేట్ కోర్టును ఆశ్రయించింది.

అయితే ఈ సినిమాలో పెట్టుబడిలో తమకు హక్కులు ఇస్తామని చెప్పి రూ.15.90 కోట్లు తీసుకుని మోసం చేశారని ఫిర్యాదు చేసిన సదరు కంపెనీ.. సినిమా నిర్మాతలపై ఐపీసీ 406, 420, 120బీ సెక్షన్ల కింద కేసు ఫైల్ చేయాలని కోరినట్లు తెలిపారు. ఇక ఇటీవల విడుదలైన ఈ మూవీ ట్రైలర్‏కు విశేషస్పందన లభించగా, ఈనెల 24న ప్రేక్షకుల ముందుకు రానుంది.