మళ్లీ ఎడ్లబండ్లపై తిరగాల్సిన పరిస్థితి వస్తోంది : భట్టి

దిశ‌, ఖ‌మ్మం: ఇష్టానుసారంగా నిత్యావసర ధరలు పెంచుతూ కేంద్ర ప్రభుత్వం పేదల నడ్డి విరుస్తోందని సీఎల్పీ నేత భట్టి విక్రమార్క విమర్శించారు. సోమవారం ఏఐసీసీ పిలుపు మేరకు ఖమ్మం జిల్లా పెట్రోల్ రేట్లకు నిరసనగా ఎడ్లబండ్లతో ర్యాలీ తీసి, నిరసన తెలిపారు. ఈ సందర్భంగా భట్టి మాట్లాడుతూ… రానున్న ఎన్నికల్లో కేంద్ర, రాష్ట్ర ప్రభుత్వాలకు బుద్ధి చెప్పాల్సిన అవసరం ఉందని గుర్తుచేశారు. డీజిల్, పెట్రోల్ రేట్లు ఇలాగే పెరిగితే సామాన్య ప్రజానీకం మళ్లీ ఎడ్లబండ్లు, సైకిల్‌లపై తిరగాల్సిన పరిస్థితి నెలకొంటుందని అన్నారు.

ఈ నిరసన కార్యక్రమంలో జిల్లా కాంగ్రెస్ అధ్యక్షులు పువాళ్ళ దుర్గాప్రసాద్, మాజీ ఎమ్మెల్సీ పోట్ల నాగేశ్వరరావు , టీపీసీసీ రాష్ట్ర అధికార ప్రతినిధి మద్ది శ్రీనివాసరెడ్డి, కళ్లెం వెంకటరెడ్డి, మామిడి వెంకన్న, దొబ్బల సౌజన్య, చంద్రిక, బొడ్డు బొందయ్య, కందుల గురునాదం, మధిర, ఖమ్మం, పాలేరు, వైరా నియోజకవర్గ వివిధ మండలాల కాంగ్రెస్ పార్టీ అధ్యక్షులు, నాయకులు కార్యకర్తలు పాల్గొన్నారు.