ఎయిర్‌పోర్టులో సల్మాన్‌ను అడ్డుకున్న ఆ ఆఫీసర్‌.. ఎందుకంటే ?

దిశ, సినిమా : సల్మాన్ ఖాన్, కత్రినా కైఫ్ కాంబినేషన్‌లో వస్తున్న లేటెస్ట్ ఫిల్మ్ ‘టైగర్ 3’. ఈ సినిమా షూటింగ్ నిమిత్తం రష్యాకు వెళ్తున్న సల్మాన్.. మార్నింగ్ టైమ్‌లో ముంబై ఎయిర్‌పోర్టుకు చేరుకోగా, సీఐఎస్‌ఎఫ్ ఆఫీసర్ చెకింగ్ కోసం అడ్డుకున్నాడు. ఇందుకు సంబంధించిన వీడియో సోషల్ మీడియాలో వైరల్ కాగా, సదరు ఆఫీసర్ ప్రస్తుతం చిక్కుల్లో పడ్డాడు. అతడి ఫోన్‌ను సీజ్ చేసిన అధికారులు.. మీడియాతో మాట్లాడకూడదని హెచ్చరించినట్లు తెలుస్తోంది. నిజానికి ఎయిర్‌పోర్టులో సల్మాన్‌ను ఆపి చెక్ చేసిన సీఐఎస్‌ఎఫ్ అధికారి, తన డ్యూటీ తాను చేశాడు. అయితే అతడు ఈ సంఘటన గురించి ఒడిశాలోని ఒక మీడియా సంస్థతో మాట్లాడినట్లు వార్తలు వచ్చాయి. అయితే అది ప్రోటోకాల్ ఉల్లంఘనగా పరిగణించడంతో అతను మరోసారి మీడియాతో మాట్లాడకుండా ఉండేందుకు అధికారులు తన ఫోన్‌ను స్వాధీనం చేసుకున్నారు.

https://www.instagram.com/reel/CSxqALdq9Xt/?utm_source=ig_web_copy_link

‘టైగర్ 3’ షూటింగ్ రష్యాలో శరవేగంగా జరుగుతోంది. ఇక ఈ చిత్రం నుంచి సోషల్ మీడియాలో లీకైన లుక్‌లో సల్మాన్ పొడవాటి జుట్టు, గడ్డంతో కనిపిస్తుండటం విశేషం. అంతేకాదు ఈ హై బడ్జెట్ మూవీలో ఇమ్రాన్ హష్మి కీలక పాత్రలో నటిస్తుండగా.. అతను సల్మాన్‌తో స్క్రీన్ పంచుకోవడం ఇదే మొదటిసారి.