Sankranthiki Vastunnam: 'ఎనీ సెంటర్ సింగిల్ హ్యాండ్.. విక్టరీ వెంకటేష్'.. మూడు రోజుల్లో వంద కోట్ల క్లబ్‌లోకి ఎంట్రీ

దిశ, సినిమా: విక్టరీ వెంకటేష్(venkatesh), అనిల్ రావిపూడి(Anil Ravipudi) కాంబోలో తెరకెక్కిన లేటెస్ట్ మూవీ ‘సంక్రాతికి వస్తున్నాం’(Sankranthiki Vasthunnam). ఐశ్వర్య రాజేష్(Aishwarya Rajesh), మీనాక్షి చౌదరి(Meenakshi Chowdary) హీరోయిన్లుగా నటించిన ఈ సినిమాని.. శ్రీ వెంకటేశ్వర క్రియేషన్స్ బ్యానర్ పై దిల్ రాజు(Dil Raju) నిర్మించారు. vtv గణేష్, ఉపేంద్ర లిమయే, నరేష్(Naresh), అవసరాల శ్రీనివాస్(Avasarala Srinivas)లు కీల‌క పాత్ర‌ల్లో న‌టించారు. భీమ్స్ సిసిరోలియో(Bheem's Cicerolio) సంగీతాన్ని అందించారు.

అయితే సంక్రాంతి కానుకగా జనవరి 14న థియేటర్లలో ఈ మూవీ రిలీజ్ అయిన సంగతి తెలిసిందే. ప్రేక్ష‌కుల‌ను క‌డుపుబ్బా న‌వ్వించి తొలి ఆట నుంచే పాజిటివ్ టాక్‌ను అందుకుంది. అలాగే కలెక్షన్ల విషయంలోనూ మంచి వసూళ్లు సాధిస్తుంది. ఈ క్రమంలో తాజాగా ఈ మూవీ వంద కోట్ల క్లబ్‌లోకి అడుగుపెట్టినట్లు మేకర్స్ ఓ స్పెషల్ పోస్టర్‌‌ను రిలీజ్ చేసింది. 3 రోజుల్లో సంక్రాంతికి వస్తున్నాం సినిమా రూ.106 కోట్ల గ్రాస్ వసూలు చేసినట్లు తెలుపుతూ.. ‘ఎనీ సెంటర్ సింగిల్ హ్యాండ్.. విక్టరీ వెంకటేష్’ అంటూ రాసుకొచ్చింది. ప్రస్తుతం ఈ పోస్ట్ సోషల్ మీడియాలో వైరల్‌గా మారగా.. వెంకీ మామ ఫ్యాన్స్ ఫుల్ ఖుషీ అవుతున్నారు.