APPSC:గ్రూప్-2 మెయిన్స్ పరీక్ష తేదీ ఇదే?

దిశ,వెబ్‌డెస్క్:ఏపీపీఎస్సీ గ్రూప్-2 ప్రిలిమినరీ పరీక్షను ఫిబ్రవరి 25న నిర్వహించిన విషయం తెలిసిందే. పరీక్ష రాసిన అభ్యర్థులు ఫలితాల కోసం ఎంతగానో ఎదురు చూశారు. ఎట్టకేలకు ప్రిలిమినరీ పరీక్ష రిజల్ట్ బుధవారం (ఏప్రిల్ 10న) రిలీజ్ అయ్యాయి. పరీక్షలకు హాజరైన అభ్యర్ధులు అధికారిక వెబ్‌సైట్‌లో రిజల్ట్స్ చెక్ చేసుకోవచ్చు. ఈ పరీక్షకు రాష్ట్ర వ్యాప్తంగా దాదాపు 4,04,037 మంది అభ్యర్థులు హాజరయ్యారు.

ఏపీపీఎస్సీ ప్రిలిమినరీ పరీక్షలో దాదాపు 92,250 మంది మెయిన్స్‌కు క్వాలిఫై అయ్యారు. ఇక పరీక్షలో క్వాలిఫై అయిన వారు మెయిన్స్ ప్రిపరేషన్ లో ఉంటారు. వారికి ఏపీపీఎస్సీ నుంచి అప్డేట్ వచ్చింది. మెయిన్స్ పరీక్ష తేదీని కమిషన్ ప్రకటించింది. ఏపీపీఎస్సీ గ్రూప్‌ 2 మెయిన్స్‌ పరీక్షలు జులై 28న నిర్వహించనున్నట్లు ఏపీపీఎస్సీ స్పష్టం చేసింది. కాగా మెయిన్స్‌కు 1:100 నిష్పత్తిలో అభ్యర్థులను కమిషన్‌ ఎంపిక చేసింది. త్వరలో ఏపీపీఎస్సీ గ్రూప్ 1 ప్రిలిమ్స్ ఫలితాలు కూడా ప్రకటించనుంది.