Guntur AIMS Jobs: గుంటూరు ఎయిమ్స్ లో వివిధ ఉద్యోగాలకు నోటిఫికేషన్ రిలీజ్.. ఖాళీలు, అర్హత వివరాలివే..!

దిశ, వెబ్‌డెస్క్: గుంటూరు(Guntur) జిల్లా మంగళగిరి(Mangalagiri)లోని ఆల్ ఇండియా మెడికల్ సైన్సెస్(AIMS) వివిధ విభాగాల్లో ఖాళీగా ఉన్న పలు ఉద్యోగాల భర్తీకి నోటిఫికేషన్ రిలీజ్ చేసింది. ఈ రిక్రూట్‌మెంట్ ద్వారా మొత్తం 93 గ్రూప్ -ఏబీసీ పోస్టులను భర్తీ చేయనున్నారు. ఈ పోస్టులకు దరఖాస్తు ప్రక్రియ కూడా ప్రారంభమైంది. అర్హత గల అభ్యర్థులు అధికారిక వెబ్‌సైట్ www.aiimsmangalagiri.edu.in ద్వారా అప్లై చేసుకోవాల్సి ఉంటుంది. గ్రూప్ -ఏ పోస్టులకు ఆఫ్ లైన్, గ్రూప్ -బీ, సీ పోస్టులకు ఆన్‌లైన్ విధానంలో దరఖాస్తు చేసుకోవాలి. దరఖాస్తుకు చివరి తేదీ 29 అక్టోబర్ 2024

పోస్టుల వివరాలు:

• గ్రూప్ -ఏ పోస్టులు- మెడికల్ ఆఫీసర్, మెడికల్ ఫిజిసిస్ట్, సైకాలజిస్ట్
• గ్రూప్ -బీ పోస్టులు- స్టోర్ కీపర్, జూనియర్ ఇంజినీర్, లైబ్రరీ అండ్ ఇన్ఫర్మేషన్ అసిస్టెంట్ లాంటి తదితర పోస్టులు ఉన్నాయి.
• గ్రూప్ -సీ పోస్టులు- న్యూక్లియర్ మెడికల్ టెక్నాలజిస్ట్, హాస్పిటల్ అటెండెంట్, స్టెనోగ్రాఫర్ వివిధ విభాగాల్లో ఖాళీలు ఉన్నాయి.

విద్యార్హత:

పోస్టును బట్టి బీఎస్సీ, ఇంటర్మీడియట్, మెట్రిక్యూలేషన్ పూర్తి చేసి ఉండాలి.

వయోపరిమితి:

ఈ పోస్టులకు అప్లై చేసుకునే అభ్యర్థుల వయస్సు పోస్టును బట్టి తేడాలు ఉంటాయి. ఓబీసీలకు మూడేళ్లు, ఎస్సీ, ఎస్టీ, దివ్యాంగులకు ఐదేళ్ల సడలింపు ఉంటుంది.

ఎంపిక ప్రక్రియ:

గ్రూప్ -ఏ పోస్టులకు ఇంటర్వ్యూ ద్వారా, గ్రూప్ -బీ, సీ పోస్టులకు కంప్యూటర్ బేస్డ్ టెస్ట్ ద్వారా ఎంపిక చేస్తారు.

దరఖాస్తు ఫీజు :

అన్ రిజర్వ్/ ఓబీసీ అభ్యర్థులకు రూ. 1500 ఎస్సీ/ఎస్టీ లకు రూ. 1000. దివ్యాంగులకు ఫీజు నుంచి మినహాయింపు ఉంటుంది.

పరీక్ష కేంద్రాలు:

దేశవ్యాప్తంగా 15 కేంద్రలలో సీబీటీ విధానంలో పరీక్ష నిర్వహిస్తారు. తెలుగు రాష్ట్రాల్లో హైదరాబాద్, విజయవాడ నగరాల్లో ఎగ్సామ్ సెంటర్స్ ఉన్నాయి.