'ఐఫోన్' కొనాలన్న కోరిక బలంగా ఉందా.. అయితే ఇదే మంచి చాన్స్!

దిశ, వెబ్‌డెస్క్: యూత్‌లో ఐఫోన్‌కు ఉన్న క్రేజ్‌ గురించి ప్రత్యేకంగా చెప్పాల్సిన పనిలేదు. ఖర్చుకు ఏమాత్రం భయపడకుండా.. తల్లితండ్రులతో గొడవ పడైనా సరే కొనుక్కోవడానికి ఇష్టపడుతుంటారు. సిరీస్ ఏదైనా కానీ, తమ జేబులో ఐఫోన్ ఉండాలని కోరుకుంటున్నారు. మొదట్లో దీని ధరలు లక్షల్లో ఉండటంతో కొనుగోలు చేయానికి కొంత ఆలోచించేవారు. ప్రస్తుతం ధరలు అనుకూలంగా మారడం, ఫోన్‌పై జనాల్లో కూడా అవగాహన పెరగడంతో వాడటానికి ఇష్టపడే వారి సంఖ్య రోజురోజుకూ గణనీయంగా పెరుగుతోంది.

అంతేగాక, ఒక్కోసారి పలు సేల్స్ సందర్భంగా ఐఫోన్‌ల ధరలు భారీగా తగ్గడం మనం చూస్తుంటాం. ప్రస్తుతం అలాంటి సదావకాశమే మరోసారి వచ్చింది. గతేడాది విడుదల చేసిన ఐఫోన్‌ 14 సిరీస్‌ ఐఫోన్‌లపై భారీ డిస్కౌంట్‌ ఉంది. వాలంటైన్స్‌ డే సందర్భంగా పలు ఈ కామర్స్ దిగ్గజాలు భారీ ఆఫర్స్ ప్రకటించాయి. వాలంటైన్స్‌ వీక్‌ సందర్భంగా యాపిల్‌ థర్డ్‌ పార్టీ అధీకృత రిటైల్‌ సెల్లర్‌ ఐవీనస్‌ బంపర్ ఆఫర్‌ను ప్రకటించింది.

ఐఫోన్‌ 14, ఐఫోన్‌ 14 ప్లస్‌, ఐఫోన్‌ 14 ప్రో, ఐఫోన్‌ 14 ప్రో మ్యాక్స్‌ మోడళ్లపై భారీగా డిస్కౌంట్‌ ప్రకటించింది. ఐఫోన్‌ 14 మోడల్‌పై బ్యాంక్‌ ఆఫర్‌, ఎక్స్ఛేంజ్‌ ఆఫర్‌, ఎక్స్ఛేంజ్‌ బోనస్‌ లాంటివి కలుపుకుని మొత్తంగా రూ.42,000 డిస్కౌంట్‌ లభిస్తుంది. ఐఫోన్‌ 14 ధర రూ.79,990లుగా ఉంది. ప్రస్తుతం ఈ ఫోన్‌ అన్ని ఆఫర్లూ పోనూ రూ. 37,900కే లభిస్తుందని ఐవీనస్‌ ప్రకటించింది.