హుజురాబాద్‌లో బీజేపీకి భారీ షాక్.. కారెక్కిన మరో సీనియర్ లీడర్

దిశ, హుజురాబాద్ : హుజురాబాద్ ఉపఎన్నికకు నోటిఫికేషన్ వెలువడక ముందే నియోజకవర్గంలో రాజకీయాలు రసకందాయకంగా మారాయి. అధికార పార్టీ నేతలు పువ్వు పార్టీ నాయకులను ప్రలోభాలకు గురిచేస్తూ ఒక్కొక్కరినీ కారు ఎక్కిస్తున్నారు.

తాజాగా మంత్రి హరీష్ రావు సారధ్యంలో బీజేపీ సీనియర్ నాయకులు, ట్రస్మా జిల్లా అధ్యక్షుడు, టెట్రా స్కూల్ అధినేత కోరం సంజీవరెడ్డి శుక్రవారం గులాబీ కండువా కప్పుకున్నారు. హుజురాబాద్ నియోజకవర్గంలో ఎలాగైనా ఈటల రాజేందర్‌ ఓటమే లక్ష్యంగా ట్రబుల్ షూటర్ హరీష్ రావు, టీఆర్ఎస్ అధిష్టానం పావులు కదుపుతున్నట్లు తెలుస్తోంది. వరుసగా ఈటల మద్దతుదారులతో పాటు బీజేపీ నేతలు కారు ఎక్కుతుండటంతో కాషాయం పార్టీకి మింగుడు పడటం లేదన్నట్లు సమాచారం.