పొద్దున దొరికాడు.. సాయంత్రం సస్పెన్షన్

దిశ, వెబ్ డెస్క్: బీజేపీ నేత గుడివాడ రామాంజనేయులుపై సస్పెన్షన్ వేటు పడింది. ఈ మేరకు రాష్ట్ర పార్టీ అధ్యక్షుడు సోమువీర్రాజు ఓ లేఖ విడుదల చేశారు. పార్టీ వ్యతిరేక కార్యక్రమాలకు పాల్పడినందున రామంజనేయుల్ని పార్టీ నుంచి సస్పెండ్ చేస్తున్నట్లు లేఖలో పేర్కొన్నారు. కాగా, నల్లగొండ జిల్లాలోని చిట్యాల నుంచి కారులో అక్రమంగా మద్యాన్ని ఏపీకి తరలిస్తుండగా పట్టబడ్డారు. దీంతో అతనితో పాటు మరో ఇద్దరు నిందితులను పోలీసులు అరెస్ట్ చేసిన సంగతి తెలిసిందే. పట్టుబడిన మద్యం విలువ రూ.6 లక్షల పైనే ఉంటుందని పోలీసులు తెలిపారు.