తిరుపతి కొవిడ్ సెంటర్‌లో ప్రమాదం..

దిశ, వెబ్‌డెస్క్: ఏపీలోని తిరుపతి కొవిడ్ సెంటర్లో సోమవారం ప్రమాదం చోటుచేసుకుంది. స్విమ్స్ ఆస్పత్రి పద్మావతి కొవిడ్ సెంటర్‌లో కొత్త భవనం శ్లాబ్ పెచ్చులు ఊడిపడ్డాయి. ఈ ఘటనలో అటెండర్ రాధిక మృతి చెందగా, మరో ఇద్దరు కరోనా బాధితులు తీవ్రంగా గాయపడ్డారు.

ఆ భవనం ఈ మధ్యే నిర్మాణం పూర్తి చేసుకోగా, అధికారులు అందులో కొవిడ్ సెంటర్‌ను ప్రారంభించారు. కొత్త భవనంలో ఇలాంటి ఘటన చోటుచేసుకోవడంపై మిగతా రోగులు, బంధువులు ఆగ్రహం వ్యక్తం చేస్తున్నారు. ఇదిలాఉండగా, క్షతగాత్రులను వేరే వార్డుకు తరలించి చికిత్స అందిస్తున్నట్లు ఆస్పత్రి వైద్యులు తెలిపారు.