షర్మిళ చేరికతో కాంగ్రెస్ ఏపీలో బలోపేతమవుతోంది.. ఏఐసీసీ నేత మాణిక్కం ఠాగూర్

దిశ, వెబ్‌డె స్క్ : వైఎస్ఆర్‌టీపీ అధ్యక్షురాలు వైఎస్‌ షర్మిళ ఇవాళ కాంగ్రెస్‌ పార్టీలో చేరారు. ఈ మేరకు కాంగ్రెస్ అగ్రనేత రాహుల్ సమక్షంలో, ఏఐసీసీ అధ్యక్షుడు మల్లికార్జున్‌ ఖర్గే ఆమెకు కండువా కప్పి పార్టీలోకి ఆహ్వానించారు. దీంతో వైఎస్ఆర్‌టీపీ కాంగ్రెస్ పార్టీలో లాంఛనంగా విలీనమైంది. ఈ సందర్భంగా ఏఐసీసీ నేత మాణిక్కం ఠాగూర్ మాట్లాడుతూ.. వైఎస్ షర్మిళ చేరికతో కాంగ్రెస్ ఏపీలో బలోపేతమవుతోందని అన్నారు. నాయకుల చేరికతో ఆంధ్రప్రదేశ్‌లో పార్టీకి పునరుజ్జీవం లభించిందని ఆయన అన్నారు. అయితే, పార్టీలో చేరిన షర్మిళకు ఏ పదవి కట్టబెట్టాలో త్వరలో అధిష్టానమే నిర్ణయిస్తుందని ఆయన స్పష్టం చేశారు. ఈ పరిణామంలో కాంగ్రెస్ ఏపీ మిషన్ ప్రారంభమైందని అన్నారు. ఏపీలో బీజేపీకి ప్రాంతీయ పార్టీలనీ అనుకూలమేనని ఆరోపించారు. రాష్ట్రానికి బీజేపీ తీరని ద్రోహం చేసిందన్నారు.