వైసీపీ వర్సెస్ టీడీపీ.. సొంత మామను హతమార్చావు..కన్నతండ్రిని కడతేర్చావు

దిశ వెబ్ డెస్క్: ఆంధ్రప్రదేశ్ లో రాజకీయాలు కాకపుట్టిస్తున్నాయి. ఎన్నికల సమయం దగ్గర పడుతున్న నేపథ్యంలో టీడీపీ వర్సెస్ వైసీపీ అన్నట్లు ఉంది ప్రస్తుతం పరిస్థితి. సోషల్ మీడియా వేదికగా అటు అధికార వైసీపీ నేతలు ఇటు ప్రతిపక్ష టీడీపీ నేతల మధ్య మాటల యుద్ధం జరుగుతోంది. రెండు పార్టీల నేతలు అధికార పేజీల ద్వారా ఒకరిపై మరొకరు గతంలో ఎన్నడూ ఎరుగని రీతిలో విమర్శల జల్లులు కురిపించుకుంటున్నారు. నిన్న ఆంధ్రుల అభిమాన నటుడు తెలుగుదేశం వ్యవస్థాపకులు నందమూరి తారక రామారావు వర్ధంతి సందర్భంగా వైసీపీ తన అధికార x హ్యాండిల్‌లో ఓ వీడియోని విడుదల చేసింది.

ఆ వీడియోలో సీనియర్ ఎన్టీఆర్ చంద్రబాబును విమర్శిస్తున్నట్లు వుంది. అలానే ఆ వీడియోకి అంతటి మహానుభావుడని చంపాలని ఎలా అనిపించింది నీకు చంద్రబాబు అని టీడీపీ అధినేతను ట్యాగ్ చేసి పోస్టు చేసింది. ఆ పోస్ట్ కి స్పందించిన టీడీపీ ఘాటుగా ధీటైన సమాధానం ఇచ్చింది. కన్నతండ్రిని హెలికాప్టర్ ఎక్కించి, సొంత బాబాయిని గొడ్డలితో నరికి చంపి, తల్లిని చెల్లిని ఆస్తికోసం గెంటేసిన కిరాతకుడివి కదా! అందరి చావులు, మనం చంపినట్టే ఉంటాయి అనిపించటంలో వింత ఏముందిలే @ysjagan ! ఈసారి ఎన్నికల ముందు ఎవరిని వేస్తున్నావ్ ?’ అంటూ బదులిచ్చారు టీడీపీ నేతలు. మాటకు మాట అన్నట్లు ఈ మాటల యుద్ధం ఇంతటితో ఆగిపోలేదు. జూనియర్ ఎన్టీఆర్ కారు ప్రమాదం, హరికృష్ణ మరణానికి, తారకరత్న మరణానికి చందరాబు కారణం అనేలా వైసీపీ నేతలు బదులిచ్చారు.