Ap news: అందరూ చూస్తుండగా జంతు సంరక్షకుడు మృతి

దిశ, వెబ్ డెస్క్: విశాఖ జూపార్క్‌లో నగేష్ అనే వ్యక్తి మృతి చెందారు. జూపార్క్‌లో అందరూ చూస్తుండగా ఆయనపై ఎలుగు బంటి దాడి చేసింది. ఈ దాడిలో నగేష్ తీవ్రంగా గాయపడి అక్కడికక్కడే ప్రాణాలు కోల్పోయారు. అయితే జూపార్క్‌లో నగేష్ జంతుసంరక్షుడిగా ఔట్ సోర్సింగ్ పద్ధతిలో పని చేస్తున్నారు. ఇవాళ ఉదయం ఎలుగు బంటి బోనును క్లీన్ చేసేందుకు వెళ్లారు. కానీ బోను తలుపు తీసి ఉన్నాయి. దీన్ని గమనించకుండా నగేష్ బోను వద్దకు వెళ్లారు.

వెంటనే ఆయనపై ఎలుగుబంటి దాడి చేసింది. అందరూ చూస్తుండగానే ఎలుగు బంటి దాడిలో నగేష్ తీవ్రంగా గాయపడ్డారు. వెంటనే ఆస్పత్రికి తరలించే ప్రయత్నం చేశారు. అయితే నగేష్ అప్పటికే మృతి చెందినట్లు వైద్యులు తెలిపారు. విషయం తెలుసుకున్న అటవీశాఖ రూ.10 లక్షల ఎక్స్ గ్రేషియా ప్రకటించింది.