టీడీపీకి వచ్చే సీట్ల సంఖ్య ఇదే..వెరైటీగా జోస్యం చెప్పిన వైసీపీ ఎంపీ!!

దిశ,వెబ్‌డెస్క్: ఏపీలో సార్వత్రిక ఎన్నికల పోలింగ్ ప్రక్రియ మే 13వ తేదీన ముగిసింది. పోలింగ్ అనంతరం రాష్ట్రంలో ఎవరు అధికారంలోకి వస్తారనే ఉత్కంఠ నెలకొంది. ఈ సారి ఎన్నికల్లో గెలుపే లక్ష్యంగా టీడీపీ, బీజేపీ, జనసేన కూటమిగా ఏర్పడ్డాయి. ఎన్నికల్లో మరోసారి అధికారంలోకి వస్తామని వైసీపీ ధీమా వ్యక్తం చేస్తుంది. అటు టీడీపీ ప్రభుత్వం పై ప్రజా వ్యతిరేకత ఉందని ఈ ఎన్నికల్లో గెలుపు కూటమిదే అని టీడీపీ నేతలు తేల్చి చెబుతున్నారు. ఇలా ఎవరికి వారు ధీమా వ్యక్తం చేస్తున్నారు.

తాజాగా టీడీపీ పై వైసీపీ ఎంపీ అభ్యర్థి విజయసాయి రెడ్డి సంచలన వ్యాఖ్యలు చేశారు. టీడీపీ అధినేత చంద్రబాబును ఉద్దేశించి వైసీపీ ఎంపీ అభ్యర్థి విజసాయిరెడ్డి ఆసక్తికర ట్వీట్ చేశారు. ‘చంద్రబాబు..! పోయినసారి 23 మంది మా పార్టీ ఎమ్మెల్యేలను కొన్నావు అన్నారు. 2019 ఎన్నికల్లో నీకు వచ్చింది 23 స్థానాలే అని గుర్తు చేశారు. ఈ సారి మా వాళ్లను నలుగురిని( కోటం రెడ్డి. ఆనం, మేకపాటి చంద్రశేఖర్ రెడ్డి, ఉండవల్లి శ్రీదేవి) కొన్నావు. ఈ లెక్కన నువ్వు నాలుగు స్థానాలకే పరిమితం కాబోతున్నావు’ అని ఎద్దేవా చేశారు. ప్రజెంట్ ఆయన చేసిన ట్వీట్ నెట్టింట వైరల్‌గా మారింది.