ఒట్టు... మీకే మా ఓటు.. ఏపీలో జోరుగా ప్రమాణాలు

దిశ, వెబ్ డెస్క్: ఏపీలో సోమవారం ఎన్నికలు జరగనున్నాయి. దీంతో ఓటర్లను అభ్యర్థులు ప్రసన్నం చేసుకుంటున్నారు. ఇందులో భాగంగా నగదు, మద్యం పంపిణీ చేస్తున్నారు. అంతేకాదు ఓటు కచ్చితంగా తమకే వేయాలని ఒట్టు వేయించుకుంటున్నారు. ఆలయాల్లో దేవుడి ముందు దీపం వెలిగించి ప్రమాదం చేసి డబ్బులు తీసుకోవాలని ఓటర్లకు సూచిస్తున్నారు. ఈ మేరకు దీపంపై ప్రమాణం చేసి ఓటర్లు డబ్బులు తీసుకుంటున్నారు. కచ్చితంగా తమకే వేస్తామని హామీ ఇస్తున్నారు. ఈ తంతాంగాన్ని అభ్యర్థుల తరపున వీడియో తీస్తున్నారు. అయితే తిరుపతిలో ఓటర్లు డబ్బులు తీసుకుంటున్న వీడియో సోషల్ మీడియాలో చక్కర్లు కొడుతోంది. ఈ వీడియో చూసిన నెటిజన్లు.. ఒకవేళ డబ్బులు ఇచ్చిన అభ్యర్థి ఓడిపోతే తీసుకున్న వారి పరిస్థితేంటని ప్రశ్నిస్తున్నారు. ఈ వీడియోలు చూపించి మళ్లీ డబ్బులు వసూలు చేస్తారేమోననే కామెంట్స్ పెడుతున్నారు. ఏది ఏమైనా ప్రలోభాలకు లొంగకుండా స్వచ్ఛందంగా ఓటు హక్కు వినియోగించుకోవాలని సూచిస్తున్నారు.