AP News:‘తప్పు చేసిన వారిని వదిలేది లేదు’.. స్పష్టం చేసిన మంత్రి డోలా

దిశ, వెబ్‌డెస్క్: రాష్ట్రంలో ఎన్డీయే కూటమి ప్రభుత్వం(AP Government) ఏర్పాటై 5 నెలలు గడించిందని, ఎవరి మీద కక్ష సాధింపు చర్యలు చేపట్టలేదని మంత్రి డోలా బాల వీరాంజనేయ స్వామి(Minister Dola Bala Veeranjaneya Swamy) పేర్కొన్నారు. ఈ రోజు(గురువారం) మంత్రి డోలా బాల వీరాంజనేయ స్వామి మీడియాతో మాట్లాడుతూ గత ప్రభుత్వం నిప్పులు చెరిగారు. గత ప్రభుత్వంలో వైసీపీ నేతలు(YCP Leaders) ఎన్నో దారుణాలు చేశారని మంత్రి డోలా వీరాంజనేయ స్వామి ఆరోపించారు. నాడు మూగబోయిన గొంతులు నేడు బయటకు వస్తున్నాయని, తప్పు చేసిన వారిని వదిలేది లేదని ఆయన స్పష్టం చేశారు. తమ ప్రభుత్వం వచ్చి 5 నెలలు గడిచినా ఎవరిపైనా కక్ష సాధింపు చర్యలు చేపట్టలేదని తెలిపారు. సెకీతో విద్యుత్ ఒప్పందాల విషయంలో స్కామ్ జరిగిందని, నష్ట నివారణ కోసం వైసీపీ నేతలు ప్రెస్‌మీట్లు పెడుతున్నారని విమర్శించారు.