AP Constable Jobs:కానిస్టేబుల్ అభ్యర్థులకు బిగ్ అలర్ట్

దిశ,వెబ్‌డెస్క్: ఏపీలో కానిస్టేబుల్ అభ్యర్థులకు(Constable candidates) బిగ్ అలర్ట్. స్టేజ్-2 ఫిజికల్ టెస్టులకు దరఖాస్తు చేసుకునేందుకు అభ్యర్థులకు ఇచ్చిన అవకాశం ఇవాళ(గురువారం) సాయంత్రం 5 గంటలకు ముగియనుంది. ఈ గడువును నవంబర్ 28 వరకు పొడిగిస్తూ ఇటీవల బోర్డు ప్రకటన విడుదల చేసిన విషయం తెలిసిందే. దీంతో ఈ గడువు నేటితో ముగియనుంది. దేహదారుఢ్య పరీక్షకు 95,209 మంది అభ్యర్ధులు ఎంపికయ్యారు. డిసెంబర్ చివరి వారంలో PMT, PET టెస్టులు నిర్వహించేందుకు పోలీస్ రిక్రూట్‌మెంట్ బోర్దు ఏర్పాట్లు చేస్తోంది. ఏమైనా సందేహాలుంటే 9441450639, 9100203323 నంబర్లను సంప్రదించండి. దరఖాస్తు చేసేందుకు అధికారిక వెబ్‌సైట్ సందర్శించండి. రాష్ట్రంలో 6,100 పోలీస్‌ కానిస్టేబుల్‌ పోస్టుల భర్తీకి ఈ ప్రక్రియ కొనసాగుతుంది.