Nandyal:క్షుద్ర పూజల కలకలం.. భయాందోళనలో స్థానికులు

దిశ ప్రతినిధి,నంద్యాల: నంద్యాల పట్టణంలోని స్థానిక ఒకటో వార్డులో అరుంధతి నగర్ (హరిజనవాడలో) క్షుద్ర పూజలు కలకలం రేపుతుంది. ప్రధాన కూడలిలో ఒక బొమ్మ గీసి గుర్తు తెలియని వ్యక్తులు క్షుద్ర పూజలు చేసి చేతబడి చేశారు అని స్థానికులు అంటున్నారు. క్షుద్ర పూజలతో ప్రజలు భయాందోళన గురవుతున్నారు. ఘటనా స్థలంలో నిమ్మకాయలు, చెప్పులు, జుట్టు వెంట్రుకలు, కుంకుమ, పసుపు మొదలగునవి చూసి స్థానికులు భయాందోళనకు గురవుతున్నారు. ఇదే కాలనీలో గతంలో కూడా ఇలాగే క్షుద్ర పూజలు చేశారు. ఘటనా స్థలానికి పోలీసులు చేరుకుని పరిశీలించారు. ఎవరు చేశారన్న కోణంలో పోలీసులు విచారణ చేపట్టారు.