AP News:గ్రామ సచివాలయాన్ని ఆకస్మికంగా తనిఖీ చేసిన మంత్రి

దిశ, వెబ్‌డెస్క్: ప్రకాశం జిల్లా కొండపి మండలం పెట్లూరు లోని గ్రామ సచివాలయాన్ని మంత్రి డోలా బాలవీరాంజనేయస్వామి నేడు(గురువారం) ఆకస్మికంగా తనిఖీ చేశారు. ఈక్రమంలో సచివాలయంలో రికార్డులను తనిఖీ చేశారు. రికార్డుల నిర్వహణ పట్ల ఆయన అసంతృప్తి వ్యక్తం చేశారు. సచివాలయ సిబ్బందిని రేషనలైజేషన్ చేయాల్సిన ఆవశ్యకత ఉందని మంత్రి చెప్పారు. సేవలన్నీ ప్రజలకు సకాలంలో అందించాలి అన్నారు. ఉద్యోగులు బాధ్యతాయుతంగా పనిచేయాలని వారికి సూచించారు. మంత్రి ఉద్యోగుల హాజరు పరిశీలించారు. కొందరు ఉద్యోగులు ఆ సమయంలో విధుల్లో లేకపోవడంతో.. వారు ఎక్కడ అని సచివాలయ ఉద్యోగులను మంత్రి ప్రశ్నించారు.