తిరుమలలో అధిక ధరలకు దర్శన టికెట్లు సేల్.. దళారి అరెస్ట్

దిశ, వెబ్‌డెస్క్: తిరుమలలో అధిక ధరలకు దర్శన టికెట్లు విక్రయిస్తున్న ఓ దళారిని పోలీసులు శుక్రవారం అరెస్ట్ చేశారు. భక్తులకు వీఐపీ బ్రేక్ దర్శనం టికెట్లను.. దళారి అధిక ధరలకు విక్రయించినట్లు పోలీసులు గుర్తించారు. భక్తుల ఫిర్యాదుతో టీటీడీ విజిలెన్స్ విచారణ చేపట్టింది. అధిక ధరలకు టికెట్లు విక్రయిస్తున్న బాలాజీ నగర్‌కు చెందిన రాజశేఖర్‌ను పోలీసులు అరెస్ట్ చేశారు. ఉత్తరాదికి చెందిన పాలకమండలి సభ్యుడి సిఫార్సుతో వీఐపీ టికెట్లను రాజశేఖర్ పొందినట్లు తేలింది. పీఆర్వో చిన్నా సహకారంతో రాజశేఖర్ టికెట్లు పొందినట్లు గుర్తించారు. చిన్నా బ్యాంకు ఖాతాలను అధికారులు పరిశీలిస్తున్నారు. ఈ ఘటనకు సంబంధించి పూర్తి సమాచారం తెలియాల్సి ఉంది.