Good News: ‘ఆప్కో’లో ఉద్యోగాలు.. పరీక్ష లేకుండానే జాబ్

దిశ, డైనమిక్ బ్యూరో : రాష్ట్రంలో వివిధ ప్రాంతాలలోని ఆప్కో చేనేత వస్త్ర విక్రయశాలలలో మేనేజర్లు, అమ్మకాల సహాయకులుగా పని చేయుటకు అర్హత కలిగిన వారిని నేరుగా ఇంటర్వూకు ఆహ్వానిస్తున్నట్లు సంస్థ వీసీ, ఎండీ తెలిపారు. విక్రయ రంగంలో ఆసక్తి కలిగి ఇంటర్ లేదా డిగ్రీ ఉత్తీర్ణతతో మంచి కమ్యూనికేషన్ స్కిల్స్ కలవారు ఈ ఉద్యోగాలకు అర్హులని వివరించారు. అభ్యర్థులు పూర్తి వివరాలు కలిగిన బయోడేటాతో జూలై మూడవ తేదీ ఉదయం 11 గంటలకు విజయవాడ, గవర్నర్ పేట, రహమాన్ పార్క్ దగ్గరలోని ఆప్కో కేంద్ర కార్యాలయం నందు ఇంటర్వూకు హాజరు కావాలన్నారు. ఎంపికైన వారికి కనిష్టంగా రూ. 9 వేలకు పైబడి, వారి పని తీరు ఆధారంగా వేతనం నిర్ణయించబడుతుందని ఎండీ తెలిపారు. ఆప్కో సంస్థ, విక్రయశాలల వివరాలు గురించిన పూర్తి సమాచారం www.apcohandlooms.com వెబ్ సైట్ నుంచి తెలుసుకోవచ్చన్నారు.