Breaking: ఐదుకు చేరిన విజయవాడ మృతులు.. శిథిలాల కింద మరికొందరు..!

దిశ, వెబ్ డెస్క్: విజయవాడ మొగల్రాజపురంలో కొండచరియలు విరిగిపడి నలుగురు మృతి చెందిన విషయం తెలిసిందే. అయితే తాజాగా ఈ మృతుల సంఖ్య ఐదుకు చేరింది. ప్రమాదంలో తీవ్రంగా గాయపడిన మరొకరు ఆస్పత్రికి తీసుకెళ్తుండగా చెందారు. ఇదే ప్రమాదంలో గాయపడిన మరికొంతమందికి ఆస్పత్రిని ఆస్పత్రికి తరలించారు. అయితే వారికి తీవ్ర గాయాలు కావడంతో చికిత్స అందిస్తున్నారు. 

కాగా విజయవాడలో కురిసిన భారీ వర్షానికి కొండచరియలు విరిగిపడి ఇళ్లపై పడ్డాయి. దీంతో ఇళ్లలో ఉన్న నలుగురు వ్యక్తులు అక్కడికక్కడే మృతి చెందారు. మరికొంతమందికి గాయాలయ్యాయి. క్షతగాత్రులను ఆస్పత్రికి తరలించారు. ప్రస్తుతం ప్రమాద స్థలంలో సహాయ చర్యలు కొనసాగుతున్నాయి. శిథిలాల కింద మరికొంతమంది ఉన్నట్లు తెలుస్తోంది.

అయితే ఓ యువకుడు మిస్సింగ్ పట్ల కుటుంబసభ్యులు ఆందోళన చెందుతున్నారు. కొండచరియలు పడిన సమయంలో ఆ యువకుడి ఆచూకీ లేదు. అయితే అక్కడే అతని సెల్ ఫోన్ సిగ్నల్ చూపిస్తున్నాయి. దీంతో అధికారులు శిథిలాలు తొలగిస్తున్నారు.