Vijayawada: ఈవెంట్ డ్యాన్సర్‌ మృతి కేసులో పురోగతి.. ఆర్గనైజర్ అరెస్ట్
విజయవాడ ఈవెంట్ డ్యాన్సర్‌ మృతి కేసులో పోలీసులు పురోగతి సాధించారు..
దిశ, వెబ్ డెస్క్: విజయవాడలో ఈవెంట్ డ్యాన్సర్‌ వెంకటలక్ష్మి మృతి చెందిన విషయం తెలిసిందే. అయితే ఈ కేసులో పోలీసులు పురోగతి సాధించారు. ఈవెంట్ ఆర్గనైజర్ శ్రవణ్‌‌ను అరెస్ట్ చేశారు. వెంకటలక్ష్మి, ఆమె ఫ్రెండ్‌ జ్యోతి, శ్రవణ్‌ మద్యం తాగినట్లు విచారణలో వెల్లడైనట్లు పోలీసులు తెలిపారు.
కాగా విజయవాడ అసిత్‌సింగ్ నగర్‌లో ఈవెంట్ డాన్సర్ వెంకటలక్ష్మి మృతి చెందారు. కాకినాడకు చెందిన వెంకట లక్ష్మి కొంతకాలం క్రితం విజయవాడ వచ్చి ఈవెంట్ డాన్సర్‌గా పని చేస్తున్నారు. అయితే ఏం జరిగిందో ఏమో గాని ఆమె ఇంట్లో ఉరి వేసుకుని మృతి చెందారు. అయితే ఆమె ఒంటిపై గాయాలు ఉండటంతో స్థానికులు అనుమానం వ్యక్తం చేశారు. ఘటనా స్థలాన్ని పరిశీలించిన కేసు నమోదు చేసి దర్యాప్తు చేశారు.