Accident: పంట కాల్వలోకి దూసుకెళ్లిన కారు.. ఇద్దరు మృతి

దిశ వెబ్ డెస్క్: కృష్ణా జిల్లాలో ఘోర రోడ్డు ప్రమాదం జరిగింది. రోడ్డుపై వెళ్తున్న కారు అదుపుతప్పి పంట కాల్వలోకి దూసుకెళ్లింది. కారు గుడివాడ నుంచి పామర్రు వైపు వెళుతుండగా కొండాయపాలెం వద్ద ఈ ఘటన జరిగింది. ఈ ప్రమాదంలో కారులో ఉన్న ఇద్దరు వ్యక్తులు మృతి చెందారు. విషయం తెలుసుకున్న పోలీసులు ఘటనా స్థలాన్ని పరిశీలించారు. పంట కాల్వ నుంచి కారును బయటకు తీశారు. కారులో ఉన్న మృతదేహాలను వెలికి తీసి పోస్టుమార్టం నిమిత్తం ఆస్పత్రికి తరలించారు. స్థానికుల నుంచి సమాచారం సేకరించారు. ఘటనపై కేసు నమోదు చేసి దర్యాప్తు చేస్తున్నారు.