హాస్టల్‌లో ఎక్కడా రహస్య కెమెరాలు లభించలేదు: ఎస్పీ గంగాధర్‌

దిశ, వెబ్ డెస్క్: కృష్ణా జిల్లా గుడివాడ నియోజకవర్గం గుడ్లవలేరులో ఇంజినీరింగ్ కాలేజీ హాస్టల్‌ వాష్ రూమ్‌లో హిడెన్ కెమెరాలు ఉన్నాయంటూ విద్యార్థులు ఆందోళనకు దిగిన విషయం తెలిసిందే. దీంతో పోలీసులు హాస్టల్‌ను పరిశీలించారు. అయితే హాస్టల్‌లో ఎక్కడా రహస్య కెమెరాలు లభించలేదని ఎస్పీ గంగాధర్‌ తెలిపారు. నిందితుల ల్యాప్‌టాప్‌లు, ఫోన్లతో పాటు.. ఎలక్ట్రానిక్‌ పరికరాలను పరిశీలించామని చెప్పారు. విద్యార్థినులు ఆందోళన చెందాల్సిన అవసరం లేదన్నారు. ఘటనపై కేసు నమోదు చేశామని, తప్పుచేసిన వారిని గుర్తించి చర్యలు తీసుకుంటామని ఎస్పీ గంగాధర్‌ పేర్కొన్నారు.