జూన్ 3న పవన్ కీలక సమావేశం

దిశ, వెబ్ డెస్క్: ఏపీలో మే 13న ఎన్నికల పోలింగ్ జరిగింది. ఈ పోలింగ్‌కు పెద్ద ఎత్తున తరలివచ్చి ఓటర్లు ఓటు హక్కు వినియోగించుకున్నారు. దీంతో రాష్ట్రంలో భారీగా పోలింగ్ శాతం నమోదు అయింది. జూన్ 4న ఎన్నికల ఫలితాలు కానున్నాయి. ఈ నేపథ్యంలో జనసేన అధినేత పవన్ కల్యాణ్ కీలక నిర్ణయం తీసుకున్నారు. జనసేన కౌంటింగ్ ఏజెంట్లతో జూన్ 3న సమావేశం కానున్నారు. కౌంటింగ్‌ ప్రక్రియకు సంబంధించి దిశానిర్దేశం చేయనున్నారు. మంగళగిరిలో పార్టీలో ఏజెంట్లతో సమావేశం నిర్వహించి.. ఆ తర్వాత రోజు అక్కడి నుంచే ఫలితాల సరిళిని పరిశీలించనున్నారు. ఇక రాష్ట్రంలో బీజేపీ, టీడీపీ, జనసేన కూటమిగా ఎన్నికల్లో పోటీ చేశాయి. ఈ ఎన్నికల్లో కూటమికే ఏపీ జనం పట్టంకట్టనున్నారని కేంద్రహోంమంత్రి అమిత్ షా సైతం ప్రకటించారు. దీంతో కూటమి నేతల్లో ఫుల్ జోష్ నెలకొంది.