కాపు నేస్తం లబ్ధిదారులకు శుభవార్త...రేపు నిడదవోలుకు సీఎం జగన్

దిశ, డైనమిక్ బ్యూరో : ముఖ్యమంత్రి వైఎస్ జగన్ తూర్పుగోదావరి జిల్లా పర్యటన దాదాపు ఖరారు అయ్యింది. తూర్పుగోదావరి జిల్లా నిడదవోలులో శనివారం ముఖ్యమంత్రి వైఎస్ జగన్ పర్యటించనున్నారు. వైఎస్ఆర్ కాపునేస్తం నిధులు బటన్‌ నొక్కి లబ్ధిదారుల ఖాతాల్లో ముఖ్యమంత్రి వైఎస్ జగన్ జమ చేయనున్నారు. ఈ మేరకు సీఎంవో షెడ్యూల్ విడుదల చేసింది. ఉదయం 9.30 గంటలకు తాడేపల్లి నివాసం నుంచి బయలుదేరి నిడదవోలు చేరుకుంటారు. అక్కడ సెయింట్‌ ఆంబ్రోస్‌ ఉన్నత పాఠశాల మైదానంలో ఏర్పాటుచేసిన బహిరంగ సభలో సీఎం జగన్ పాల్గొని ప్రసంగిస్తారు. అనంతరం వైఎస్ఆర్ కాపునేస్తం నిధులు బటన్‌ నొక్కి లబ్ధిదారుల ఖాతాల్లో జమ చేస్తారు. కార్యక్రమం ముగిసిన అనంతరం మధ్యాహ్నం తాడేపల్లి నివాసానికి చేరుకుంటారు అని సీఎంవో ఓ ప్రకటన వెల్లడించింది.