తిరుమలలో పెరిగిన భక్తుల రద్దీ.. హుండీ ఆదాయం ఎన్ని కోట్లంటే

దిశ తిరుమల: తిరుమల వేంకటేశ్వర స్వామి వారి దర్శనానికి భక్తుల సంఖ్య పెరిగింది. శనివారం ఒక్క రోజే 70,158 మంది స్వామి వారిని దర్శించుకున్నారు. శ్రీవారి హుండీ నుంచి రూ.3.51 కోట్ల ఆదాయం వచ్చింది. అదేవిధంగా 24,801 మంది భక్తులు స్వామి వారికి తలనీలాలు మొక్కులు తీర్చుకున్నారు. ఆదివారం ఉదయం 5 గంటల వరకు తిరుమలలోని ఐదు కంపార్ట్‌మెంట్‌లలో శ్రీవారి భక్తులు స్వామి వారి దర్శనం కోసం వేచి చూస్తు్న్నారు. దీంతో సర్వ దర్శనం కోసం భక్తులు దాదాపు 10 గంటల మేర సమయం పడుతోంది.