Ambati Rambabu : పోలవరంపై చంద్రబాబు అసత్యాలు : అంబటి రాంబాబు

దిశ, వెబ్ డెస్క్ : అసెంబ్లీలో పోలవరం(Polavaram)పై చంద్రబాబు అన్నీ అబద్దాలు చెప్పారంటూ వైసీపీ మాజీ మంత్రి అంబటి రాంబాబు(Ambati Rambabu) ఆగ్రహం వ్యక్తం చేశారు. 2004 వరకు చంద్రబాబుకు అసలు పోలవరం ఆలోచనే లేదని.. అసలు పూర్తి చేయాలన్న ఆలోచన కూడా లేదని అన్నారు. రాష్ట్ర విభజన సమయంలోనే పోలవరాన్ని జాతీయ ప్రాజెక్టుగా ప్రకటించింది. మరిప్పుడు రాష్ట్రం ఆ ప్రాజెక్టును ఎందుకు తన చేతుల్లోకి తీసుకుంది అని ప్రశ్నించారు. కమీషన్ల కోసం తప్పితే రాష్ట్రానికి మంచి చేసే ఉద్దేశం చంద్రబాబుకు లేదని మండిపడ్డారు. రాష్ట్రమే పోలవరం నిర్మించాలనుకోవడం చారిత్రక తప్పిదం అన్నారు. చంద్రబాబు తప్పిదాల వల్లే పోలవరం జాప్యం అవుతోందని పేర్కొన్నారు. గోదావరి డైవర్షన్ పూర్తి కాకుండానే.. డయాఫ్రమ్ వాల్ కట్టడం ఎంత తప్పో భవిష్యత్తులో తెలుస్తుందన్నారు. మోడీ, చంద్రబాబు కలిసి పోలవరాన్ని నాశనం చేశారని అంబటి అగ్రహించారు. ప్రాజెక్టును 41.15 మీటర్ల ఎత్తుకు పరిమితం చేయడం వలన ఉత్తరాంధ్ర నష్టపోతుందని ఆవేదన వ్యక్తం చేశారు.