AP Govt:చంద్రబాబు సర్కార్ కీలక నిర్ణయం.. చాగంటికి మరో కీలక బాధ్యత

దిశ,వెబ్‌డెస్క్: రాష్ట్ర ప్రభుత్వం కీలక నిర్ణయం తీసుకున్నట్లు తెలుస్తోంది. ఈ నేపథ్యంలో చంద్రబాబు సర్కార్(AP Government) ప్రముఖ ప్రవచనకర్త చాగంటి కోటేశ్వరరావు(Chaganti Koteswara Rao)కు కేబినెట్ హోదా కలిగిన.. విద్యార్థులు - నైతిక విలువల సలహాదారుగా నియమించిన సంగతి తెలిసిందే. ఈ క్రమంలో ఇటీవల చాగంటి కోటేశ్వరరావు సీఎం చంద్రబాబు(CM chandrababu), మంత్రి లోకేష్‌(Minister Nara Lokesh)ను మర్యాదపూర్వకంగా కలిశారు. ఆ తర్వాత ఆయన బాధ్యతలు స్వీకరించారు. ఈ నేపథ్యంలో తాజాగా చాగంటికి ప్రభుత్వం మరో కీలక బాధ్యత అప్పగించింది.

విద్యార్థుల్లో నైతిక విలువలు పెంచేందుకు చాగంటితో ప్రభుత్వం ప్రత్యేకంగా పుస్తకాల(Books)ను తయారు చేయించి, విద్యార్థులకు పంపిణీ చేయనుంది. రెండు రోజుల క్రితం జరిగిన కేబినెట్ సమావేశంలో(Cabinet Meeting) ఈ మేరకు నిర్ణయం తీసుకున్నట్లు సమాచారం. ఈ బాధ్యతలను స్వీకరిస్తున్నట్లు చాగంటి తెలిపారు. పిల్లలకు ఉపయోగపడేలా నాలుగు మంచి మాటలు చెప్పాలనే ఉద్దేశంతోనే ప్రభుత్వం(government) ఇచ్చిన బాధ్యతలను స్వీకరిస్తున్నాను అన్నారు. పదవుల కోసం తాను ఒప్పుకోలేదని.. తన మాటలతో పిల్లలకు మేలు జరిగితే చాలు అని చాగంటి పేర్కొన్నారు.