ఏపీ నేత నగ్న వీడియో కలకలం

దిశ, వెబ్ డెస్క్ : ఏపీ బీజేపీకి చెందిన ఓ ముఖ్య నేత నగ్న వీడియో సోషల్ మీడియాలో వైరల్ అవుతోంది. ఓ మహిళతో వీడియో కాల్ మాట్లాడుతూ.. అందులో గుంటూరు జిల్లాకు చెందిన బడా నేత నగ్నంగా కనిపిస్తున్న వీడియో ఒకటి బుధవారం రాత్రి నుండి సామాజిక మాధ్యమాల్లో సంచలనం రేపుతోంది. ఈ విషయం మరింత పెద్దది కాకముందే దిద్దుబాటు చర్యలకు పూనుకుంది ఆ పార్టీ. బీజేపీ మీడియా వ్యవహారాలు చూసే నాయకుడు ఈ వ్యవహారంపై విచారణ జరిపి అధిష్టానానికి నివేదిక ఇవ్వనున్నట్లు సమాచారం. కాగా ఈ పార్టీకే చెందిన మరోనేత నగ్న వీడియో సోషల్ మీడియాలో వైరల్ కాగా.. తాజాగా మరో నాయకుని వీడియో బయటికి రావడం ఆ పార్టీకి కొత్త చిక్కులు తెచ్చిపెట్టింది. అయితే ఈ వీడియోలు బయటికి రావడంపై సొంత పార్టీ నేతల ప్రమేయం ఉన్నట్టు తెలుస్తోంది.