Breaking News: టీటీడీ కొత్త ఈవోగా శ్యామలారావు.. ఉత్తర్వులు జారీ

దిశ, వెబ్ డెస్క్: తిరుమల తిరుపతి దేవస్థానాన్ని పూర్తి స్థాయిలో ప్రక్షాళన చేస్తామని చంద్రబాబు నాయుడు చెప్పారు. ఈ మేరకు వడివడిగా అడుగులు వేశారు. టీటీడీ ఈవోగా సీనియర్ ఐఏఎస్ అధికారి జె. శ్యామలారావును నియమించారు. ఈ మేరకు ఉత్తర్వులు జారీ చేశారు. కాగా జగన్ హయాంలో టీటీడీ ఈవోగా ధర్మారెడ్డి పని చేశారు. అయితే ఆయన వైసీపీ నాయకులను అనుకూలంగా వ్యవహరించారు. అంతేకాదు తిరుమల పవిత్రను దెబ్బ తీసేలా కొన్ని సంఘటనలు జరిగాయి. దీంతో టీటీడీ ఈవోపై అప్పుట్లోనే టీడీపీ నాయకులు తీవ్ర ఆరోపణలు చేశారు. తాము అధికారంలోకి వస్తే టీటీడీని ప్రక్షాళన చేస్తామని ఇటీవల జరిగిన ఎన్నికల ప్రచారంలోనూ చెప్పారు. చెప్పినట్లుగానే అధికారంలోకి రావడంతో టీటీడీలో ప్రక్షాళనను ప్రారంభించారు.

ఇక గురువారం తిరుమల శ్రీవారిని దర్శించుకున్న సీఎం చంద్రబాబు సైతం తిరుమల తిరుపతి దేవస్థానాన్ని ప్రణాళన చేస్తామని చెప్పారు. ఈ మేరకు టీటీడీ  కొత్త ఈవోగా జె. శ్యామలారావును నియమించారు. గత ఈవో ధర్మారెడ్డి ఏడు రోజుల పాటు లీవ్‌ పెట్టి సెలవులపై వెళ్లారు. దీంతో ఈవో బాధ్యతలను టీటీడీ జేఈవో వీరబ్రహ్మానికి అప్పగించారు. ఇంతలోనే టీటీడీ ఈవోగా జే.శ్యామలరావును ప్రభుత్వం నియమించింది.