25 ఏళ్ల తర్వాత బాలీవుడ్‌కు వెంకీ.. సల్మాన్‌తో సినిమాపై ఇంట్రెస్టింగ్ అప్‌డేట్స్!

దిశ, సినిమా : విక్టరీ వెంకటేష్ 25 ఏళ్ల తర్వాత బాలీవుడ్ మూవీ చేయబోతున్నాడు. సూపర్ స్టార్ సల్మాన్ ఖాన్ – నిర్మాత సాజిద్ నడియావాలా కాంబినేషన్‌లో తెరకెక్కనున్న యాక్షన్ – కామెడీ ఎంటర్‌టైనర్‌లో లీడ్ రోల్ ప్లే చేయబోతున్నాడు. ఈ మేరకు ఇద్దరు లెజెండరీ యాక్టర్స్ ‘సల్మాన్ – వెంకీ’ ఫస్ట్ టైమ్ స్క్రీన్ షేర్ చేసుకోబోతున్నారు. ఇప్పటికే ఈ విషయాన్ని హైదరాబాద్‌లో ‘అంతిమ్’ మూవీ ప్రమోషన్స్ సందర్భంగా సల్మాన్ వెల్లడించారు.

ఇక ఈ చిత్రంలో సౌత్ అండ్ నార్త్ స్టార్స్ మరింత మంది ఉండబోతుండగా.. ఈ కథ విన్నాక వెంకీ స్పెషల్ ఇంట్రెస్ట్‌ చూపించారని తెలుస్తోంది. అంతేకాదు వెంకీ అండ్ సల్మాన్ మధ్య వచ్చే సీన్స్ మూవీకి మేజర్ హైలెట్‌గా నిలుస్తాయని సమాచారం. కాగా ఫర్హాద్ సంజీ దర్శకత్వంలో వస్తున్న సినిమాలో బుట్టబొమ్మ పూజా హెగ్డే ఫిమేల్ లీడ్ క్యారెక్టర్ చేస్తోంది. 2022 ఫస్ట్ హాఫ్‌లో ఇండియాలోని ప్రధాన నగరాల్లో షూటింగ్ ఉండబోతుందని మేకర్స్ తెలిపారు.