నా వయసు 32, ఆమెకు 16.. ఇప్పటి వరకు శృంగారం చేయనీయలేదు.. ఏం చేయాలి?

మేడమ్! బిజినెస్ సంబంధాల్లో భాగంగా నా వ్యాపార భాగస్వామి బిడ్డని వివాహం చేసుకున్నాను. నాకు 32 సంవత్సరాలు.. ఆమెకు 16 సంవత్సరాలు. ఏజ్‌గ్యాప్ ఎక్కువగా వుందని నేను తిరస్కరించినా మా పెద్దల బలవంతం వల్ల వివాహం చేస్కోవాల్సి వచ్చింది. చిన్నపిల్ల. పైగా ఇంటర్ మొదటి సంవత్సరం చదువుతోంది. పెళ్ళై సంవత్సరం అవుతోంది. ఇప్పటిదాకా కలయిక జరగలేదు. భయంతో పారిపోతోంది. ఏడుస్తుంది. నాలుగు నెలల నుంచి పుట్టింట్లోనే వుంది. నా జీవితం నరకమైంది. ఏం చేయమంటారు? తప్పుచేసాను. సరిదిద్దుకోలేనా? -ఎ.ఎస్‌కే. రంగారెడ్డి జిల్లా

కనీసం నీలో పశ్చాత్తాపం వుంది. బాల్య వివాహం చట్టరీత్యా నేరం. నీకు బలవంతంగా వివాహం చేసిన నీ పెద్దలు శిక్షార్హులు. 16 సంవత్సరాల చిన్నపిల్లను, పై చదువులు చదవాలనుకునే అభిలాష ఉన్న ఆమె ఆశయాలన్నీ చిదిమి పెళ్ళంటే ఏంటో తెలియని వయసులో పెళ్ళి చేశారు. తర్వాత శృంగారం అంటే కూడా తెలీని అమ్మాయితో ఆమె కంటే 17 సంవత్సరాలు పెద్దవాడివైన నువ్వు బలవంతపు శృంగారం చేయాలనుకోవడం అమానుషం. సహజంగానే ఆ పిల్ల భయపడి పారిపోయింది. శృంగారానికైనా గర్భధారణకైనా ఆమె ప్రత్యుత్పత్తి అవయవాలు పరిణితి చెంది ఉండని వయసది. తీవ్ర రక్తస్రావం, టీనేజీ ప్రెగ్నెన్సీ వల్ల తీవ్రమైన అనారోగ్యం తలెత్తుతాయి. అంతే కాదు, తన పైన పెళ్ళి, భర్త పేరుతో జరిగే లైంగిక అత్యాచారానికి తీవ్ర భయాందోళనలకు గురై డిప్రెషన్‌లోకి వెళ్ళిపోతుంది. ఆమెను పుట్టింట్లోనే వుండనివ్వు. చదువుకోనివ్వు. 20 సంవత్సరాలు దాటాక ఆమె చదువు పూర్తయ్యాక ఆమె ఇష్టపడితే అప్పుడు నీతో నీ ఇంటికి తీసుకెళ్లు. ఇదే ప్రస్తుతం నువ్వు చేయదగింది. చదువుకోవాలన్న కోరికను, బలవంతపు సెక్స్ జీవితానికి దూరంగా ఉండాలన్న ఆమె అభిప్రాయాన్ని గౌరవించు.

- డాక్టర్ భారతి, MS

మేరిటల్ కౌన్సెలర్

సైకోథెరపిస్ట్ & సెక్సాలజిస్ట్