హైదరాబాద్ జట్టుకు గుడ్ న్యూస్.. అఫ్గాన్ పేసర్ వచ్చేస్తున్నాడు

దిశ, స్పోర్ట్స్ : ఐపీఎల్-17లో వరుస విజయాలతో దూకుడు మీద ఉన్న సన్‌రైజర్స్ హైదరాబాద్‌‌కు గుడ్ న్యూస్. ఆ జట్టు పేసర్, ఆఫ్ఘనిస్తాన్‌కు చెందిన ఫజల్‌హక్‌ ఫరూఖీ జట్టులో చేరబోతున్నాడు. ఈ సీజన్‌లో అతను ఇప్పటివరకు ఒక్క మ్యాచ్ కూడా ఆడలేదు. ఆఫ్ఘనిస్తాన్ క్రికెట్ బోర్డు(ఏసీబీ) అనుమతి ఇవ్వకపోవడంతో అతను హైదరాబాద్ ఆడిన 7 మ్యాచ్‌లకు దూరమయ్యాడు.

తాజాగా ఏసీబీ నో అబ్జెక్షషన్ సర్టిఫికేట్ మంజూరు చేయడంతో అతను ఐపీఎల్‌లో పాల్గొనబోతున్నాడు. ఇండియాకు బయల్దేరినట్టు ఫరూఖీ మంగళవారం సోషల్ మీడియాలో పోస్టు పెట్టాడు. 2022లో హైదరాబాద్ తరపున ఐపీఎల్ అరంగేట్రం చేసిన అతను.. మొత్తం 7 మ్యాచ్‌ల్లో 6 వికెట్లు పడగొట్టాడు. కాగా, ఈ నెల 25న ఉప్పల్ స్టేడియంలో బెంగళూరుతో హైదరాబాద్ తలపడనుంది. తుది జట్టులో ఫరూఖీకి చోటు దక్కుతుందో లేదో చూడాలి.