డ్యాంలో ఈతకు వెళ్లి విద్యార్థి మృతి

దిశ, బోనకల్ : బోనకల్ గ్రామానికి చెందిన గుడిమళ్ల సాయి కృష్ణ (14) నాగులవంచ ఆదర్శ స్కూల్లో 9వ తరగతి చదువుతున్నాడు. ఈరోజు ఆదివారం కావడంతో వాళ్ల బంధువులు ఉప్పలమ్మ కార్యక్రమం ఉందని చిరునోముల గ్రామానికి తన స్నేహితులతో కలిసి వెళ్లాడు. ఆ కార్యక్రమం చూసుకొని పక్కనే ఉన్న పోలంపల్లి డ్యాం వద్దకు ఐదుగురు కలిసి ఈతకు వెళ్లాడు. డ్యాంలో ఈత కొడుతుండగా ఇద్దరు స్నేహితులు చాలా లోతులోకి వెళ్లి కేకలు పెడుతుండగా దగ్గర్లో ఉన్న జాలర్లు ఒకరిని కాపాడారు. కానీ సాయికృష్ణ అక్కడే మరణించాడు.