తెలంగాణలో కరోనా విజృంభణ.. ఒక్కరోజులో

దిశ, వెబ్‌డెస్క్: తెలంగాణలో కరోనా మహమ్మారి విస్తృతంగా వ్యాప్తిచెందుతోంది. పాజిటివ్ కేసుల సంఖ్య రోజురోజుకూ పెరుగుతూ వస్తోంది. హైదరాబాద్‌ నగరంతో పాటు జిల్లాల్లోనూ కేసులు పెరుగుతున్నాయి. తాజాగా గడిచిన 24 గంటల్లో రాష్ట్రంలో 1,498 కొవిడ్‌ కేసులు నమోదు అయ్యాయి. వైరస్‌ బారినపడి మరో ఆరుగురు మృత్యువాతపడ్డారు. కొత్తగా 245 మంది బాధితులు కోలుకొని డిశ్చార్జి కాగా, నమోదైన కేసులతో యాక్టివ్ కేసులు 10వేలకు చేరువయ్యాయి. ప్రస్తుతం రాష్ట్రంలో 9,993 యాక్టివ్‌ కేసులు ఉన్నాయి. 5,323 మంది బాధితులు హోం ఐసోలేషన్‌లో ఉన్నారు. కొత్తగా నమోదైన కేసులతో మొత్తం పాజిటివ్‌ కేసుల సంఖ్య 3,14,735, మరణాల సంఖ్య 1,729కి చేరాయి. ఈ మేరకు రాష్ట్ర వైద్యారోగ్యశాఖ మంగళవారం హెల్త్ బులిటెన్ విడుదల చేసింది.