బీజేపీలో చేరిన స్టార్ హీరో

దిశ వెబ్‌డెస్క్: ప్రస్తుతం దేశంలోని ఐదు రాష్ట్రాల్లో అసెంబ్లీ ఎన్నికలు జరగనున్న క్రమంలో.. ఆ రాష్ట్రాల్లో నేతల జంపింగ్‌లు ఎక్కువయ్యాయి. ముఖ్యంగా పశ్చిమబెంగాల్‌లో నేతలు వరుసపెట్టి ఒక పార్టీ నుంచి మరో పార్టీలోకి గొడ దూకేస్తున్నారు. నిన్న తృణమూల్ కాంగ్రెస్‌కి చెందిన ఇద్దరు మాజీ ఎంపీలు బీజేపీలో చేరగా.. ఇవాళ అలనాటి ప్రముఖ బెంగాలీ స్టార్ హీరో మిథున్ చక్రవర్తి కాషాయ కండువా కప్పుకున్నారు.

బెంగాల్ బీజేపీ అధ్యక్షుడు దిలీప్ ఘోష్, పార్టీ జాతీయ కార్యదర్శి కైలాష్ విజయ వర్గీయ సమక్షంలో మిథున్ చక్రవర్తి బీజేపీలో చేరారు. పార్టీ కండువా కప్పి ఆయనను నేతలు బీజేపీలోకి ఆహ్వానించారు. ఇవాళ కోల్‌కత్తాలోని బ్రిగేడ్ పరేడ్ గ్రౌండ్‌లో జరగనున్న బహిరంగ సభలో ప్రధాని నరేంద్ర మోదీ పాల్గొననున్నారు. ఈ సందర్భంగా మిథున్ చక్రవర్తి బీజేపీ కండువా కప్పుకున్నారు.

గతంలో మిథున్ చక్రవర్తి రాజ్యసభ సభ్యుడిగా పనిచేశారు. మిథున్ చక్రవర్తి చేరిక బెంగాల్‌లో బీజేపీకి కలిసి వస్తుందని రాజకీయ విశ్లేషకులు అంచనా వేస్తున్నారు.