సౌమ్య సూసైడ్‌ కేసులో నిందితుడు అరెస్ట్

దిశ, వెబ్‌డెస్క్: గుంటూరు జిల్లా మేడికొండూరు మండలం కొర్రపాడులో టెన్త్ విద్యార్థిని సౌమ్య సూసైడ్ కేసులో నిందితుడు వరప్రసాద్‌ను పోలీసులు అరెస్ట్ చేశారు. వరప్రసాద్ వేధింపులు భరించలేక నాలుగురోజుల క్రితం గడ్డి మందు తాగిన విద్యార్థిని ఆస్పత్రిలో చికిత్స పొందుతూ శనివారం చనిపోయింది. అయితే ఆత్మహత్యకు ముందు.. వరప్రసాద్ వేధింపులు తాళలేకనే చనిపోవాలని నిర్ణయించుకున్నట్లు విద్యార్థిని సెల్పీ వీడియోలో చెప్పగా.. కేసు నమోదు చేసుకున్న పోలీసులు నిందితుడి కోసం గాలింపు చేపట్టి ఆదివారం అరెస్ట్ చేశారు. నిందితుడికి కఠిన శిక్ష పడేలా చర్యలు తీసుకుంటామని పోలీసులు హామీ ఇచ్చారు.