జమ్ముకశ్మీర్‌లో కాంట్రాక్టర్‌పై ఉగ్రదాడి

జమ్ముకశ్మీర్‌లో ఉగ్రవాదులు దాడులకు పాల్పడ్డారు. పూల్వామా సెక్టార్ ప్రాంతంలోని ట్రాల్ ప్రాంతంలో గులాంనబీ మీర్ అనే కాంట్రాక్టర్‌పై ఉగ్రవాదులు కాల్పులు జరిపారు. ఈ ఘటన కాంట్రాక్టర్ ఇంటి సమీపంలో జరగడం గమనార్హం. కొన ఊపిరితో కొట్టుమిట్టాడుతున్న కాంట్రాక్టర్‌ను ఆసుపత్రికి తరలించగా, అప్పటికే మృతి చెందాడని డాక్టర్లు నిర్ధారించారు. ఈ ఘటనతో భద్రతా దళాలు విస్తృతంగా గాలింపు చర్యలు చేపట్టాయి.