ఐపీఎల్‌లో మరో చరిత్ర సృష్టించిన విరాట్ కోహ్లీ

దిశ, వెబ్‌డెస్క్: ఐపీఎల్ 2024 లో భాగంగా జైపూర్ వేదికగా.. రాజస్థాన్ రాయల్స్, బెంగళూరు జట్ల మధ్య మ్యాచ్ జరుగుతుంది. టాస్ ఓడి మొదట బ్యాటింగ్ చేసిన ఆర్సీబీ జట్టు ప్లేయర్ విరాట్ కోహ్లీ ఐపీఎల్ చరిత్రలో మరో రికార్డు నెలకొల్పాడు. నేటి మ్యాచ్ లో మరో అర్ధ సెంచరీ నమోదు చేసుకున్న కోహ్లీ.. ఐపీఎల్ మొత్తంలో 7,500 పరుగుల చేరాడు. దీంతో ఈ మార్కును అందుకున్న ఏకైక ప్లేయర్ గా కోహ్లీ నిలిచాడు. ఐపీఎల్ లో హైయెస్ట్ రన్స్ చేసిన వారిలో కోహ్లీ మొదటి స్థానంలో నిలవగా, శిఖర్ ధావన్(6,755) రెండో స్థానం, డేవిడ్ వార్నర్(5,545) మూడో స్థానంలో, రోహిత్ శర్మ 6,280)పరుగులతో నాలుగో స్థానంలో సురేశ్ రైనా (5,528)పరుగులతో ఐదో స్థానంలో కొనసాగుతున్నారు. కాగా ఈ మ్యాచులో మొదటి నుంచి దూకుడుగా ఆడుతున్న కోహ్లీ సెంచరీ దిశగా బ్యాటింగ్ కొనసాగిస్తున్నాడు.